Trivoac’hvet Cantic. E pehini ec’h expliquer meur à ræson evit pere e tifenner an dançou

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 74-77)




TRIVOAC’HVED CANTIC.


E pihini ec’h expliquer meur a ræson evit pere e tifenner an dançou. Var ton : Guers Catel gollet.



Clevit, tud yaouanc, me ho ped,
Perac tra e zeo diffennet
Ne redot biquen d’an dançou,
M’ar c'hoantaït mont d’an Eêvou.

Ar c’huec’hvet Gourc’hemen Doue,
A zifen al lubricite ;
Piou’an danseur, an danseures
A bratic ervad ar furnes ?

Piou a gounto pet songæzon,
Pet sell, pet comps, pet accion
A ra prest coll e innoçanç
Da guement den a red d’an danç,

An diaoul a ya en dro
Buanoc’h eget ar c’haro,
Hac a c’huez crê e peb-unan
Eus al lubricite an tan.

Potret ha merc’het o lamet,
Pa vent tout Sent ha Sentezet,
An drouc-speret ne baouezo
Tud lubric oll quen n’o rento.

Un den fur, m’ar boa biscoas,
Salomon eo, ûr Roue bras,
A ro un avis mad meurbet,
Laquit-en doun en ho speret.

Tec’hit crenn diouc’h un danseres,
Tec’hit diouc’h he c’hompagnunes ;

A-nez, emezan, emeus aoun
Na ve caos d’ho perdicion.

Mellezour ar baciantet,
Job gant Doue quen eprouvet,
A zisquez deomp dre e gomzou
Pe guen funest eo an dançou.

Bragal a reont gant soneurien,
Couls ve lavaret bourrevien,
Hoguen nebeut goude o joa,
Chetu indi’n ifern o vouëla.

Clevit breman an Doctoret,
An tadou santel benniguet,
O preseg enep an dançou
So quiriec da gals pec’hejou.

Sant Ambroas an Doctor divin
A gonvertissas Augustin,
Dre un transport à garantes,
A explic deoc’h ho follentez.

Danç, m’ar fell dit, te grec infam,
Mès c’hui, emezan, grec divlam,
Desquit d’ho tud servich Doue,
Non pas coll en danç ho ene.

Sant Chrisostom a lavar deomp
Piou da vestr a guemeromp
Pa zarempredomp an dançou,
Songit er-vad en e gomzou.

E creis an danz, eme’n Doctor,
E plant an diaoul e gador ;
Eno e ro e guentelliou
Da zaoni cals à eneou.

Sant Augustin c’hoas a lavar
E ve guel arat an douar,

Pe neza d’ar Gouëliou miret,
Quent eguet dan dançou redet.

Sant Ephrem zo an diveza
A ziscleria deomp perac tra
Ne dal netra’n tout an dansou
Nemet da zouguen malheuriou.

An danç zo eun dèvaligen
D’ar goaset enni a antren
D’ar merc’het ûr berdicion,
Ha d’an oll un daonacion,

Ur fest bras eo d’an drouc-speret
Ur c’hlac’har vras d'an oll Ælet,
Pere a vel o Mestr Jesus
Baffouet dre vil fæçon mezus.

Allas ! allas ! Tadou santel,
Caer oc’h eus bet preseg huel
Enep an dançou milliguet,
Bepret e zint darempredet.

Deus, Catel gollet, eus an tân,
Var da dro chadennou Satan ;
Deus da-unan da lavaret
Evit an danç e zout daounet.

Ha te muntreres cris meurbet,
Da Yan Badezour benniguet,
Sorti eus à greis ar flammou
Da gonta deomp da valheuriou.

An danç en deus great dibena
Eus ar Brofetet ar brassa :
Pen un den leun à santelez.
A so bet pris un danserez.

Ar guriosite da velet
Choariou ar Zichimet

A reas da Zina plac’h parfet
Beza ganto dishenoret.

Tud arraget gant an dançou,
Petra eo ho songézonou ?
Pa glevit an exemplou-mâ,
Ha ne dleffac’h-hu quet scrija ?

Ar mêmès Doue a offansit
Ar mêmès setanç gortozit
Er bed-mâ sur, pe er bed-all,
Punisset viot evit dançal.

En hano Jesus ha Mari,
Ho pet truez me ho suppli
Ous oc’h eneou o deus coustet
Da Jesus e oll c’hoad scuillet.

E leac’h monet da ebata,
Deut gant Madalen da vouéla ;
Deut ganti da ober caôn
D’ho Salver en e bassion.

Ho taelou ne badint quet pell ;
He joa vezo eternel,
Joa ar bed-mâ ne deo netra ;
Joa ar bed-all eo ar c’haëra.