Son Mari-Anna
Kendalc’h keltiek etrebroadel
Sant Brieg 1867
SON MARI-ANNA,
Gant Iann KARER, labourer douar.
————
|
Euz a foar Vark d’ar ger o tont,
Enn eur erruet war ar pont,
Digouet gan-en eur plac’hik koant,
Hag hi ken laouen ha ken drant !
Ha war gein bep a inkane
A oa ar plac’h iaouank ha me ;
O tont hon daou gand ann hent braz
Kalzik a du a dremenaz.
Hi daoulagadik a verve,
Ha ma re-men a ree ive ;
Ha me lavare em c’halon :
« Setu ama zo daou vignon ! »
— Plac’hik iaouank, d’en leveret,
Petra nevez hoc’h euz prenet ?
Ma hoc’h euz per pe avalaou,
Rest d’imen eur c’houlpat pe zaou.
— N’em euz nag avalou na per,
Netra da rei d’hoc’h, servijer,
Netra met ma c'halonik paour
A garfec’h kaout gant hoc’h aour.
— Plac’hik iaouank, pez a leret
A blij d’am c’halon, d’am speret ;
Da c’hortoz ma vemp oet d’ann traon,
Plijet kemer eur c’houlpat kraon.
Ha pa oamp hon daou diskennet,
Enn hostaliri e oamp oet
Gant va c’harantez, da eva
Gwin ruz ha kafe. Tra la la !
Med ar bed-ma ne dall netra ;
Nemet tremenn ebiou na ra !
Ar zonik-ma em euz kanet
D’ezhi, e devez he eured !
|
————
