Domine, ne in furore tuo arguas me : neque in ira tua corripias me.
Miserere mei, Domine, quoniam infirmus sum : sana me, Domine, quoniàm conturbata sunt ossa mea.
Et anima mea turbata est valde : sed tu, Domine, usquequò ?
Convertere, Domine, et eripe animam meam ; salvum me fac propter misericordiam tuam.
Quoniàm non est in morte qui memor sit tui : in inferno autem quis confitebitur tibi ?
Laboravi in gemitu meo, lavabo per singulas. noctes lectum meum : lacrymis meis stratum meum rigabo.
Turbatus est à furore oculus meus : inveteravi inter omnes inimicos meos.
Discedite à me, omnes quï operamini iniquitatem : quoniàm exaudivit Dommus vocem fletûs mei.
Exaudivit Dominus deprecationem meam : Dominus orationem meam suscepit.
Erubescant et conturbentur vehementer omnes inimici mei : convertantur et erubescant valdè velociter.
Gloria Patri, etc. :
Beati quorum remissæ sunt iniquitates : et quorum tecta sunt peccata.
Beatus vir cui non imputavit Dominus peccatum : nec est in spiritu ejus dolus.
Quoniàm tacui, inveteraverunt ossa mea : dùm clamarem totâ die.
Quoniàm die ac nocte gravata est super me manus tua : conversus sum in ærumna mea, dùm configitur spina.
Delictum meum cognitum tibi feci : et injustitiam meam non abscondi.
Dixi : Confitebor adversùm me injustitiam meam Domino : et tu remisisti impietatem peccati mei.
Pro hac orabit ad te omnis sanctus : in tempore opportuno.
Verumtamen in diluvio aquarum multarum : ad eum non approximabunt.
Tu es refugium meum à tribulatione quæ circumdedit me : exsultatio mea, erue me à circumdantibus me.
Intellectum tibi dabo, et instruam te in via hac quâ gradieris : firmabo super te oculos meos.
Nolite fieri sicut equus et mulus : quibus non est intellectus.
In chamo et fræno maxillas eorum constringe : qui non approximant ad te.
Multa flagella peccatoris ; sperantem autem in Domino misericordia circumdabit.
Lætamini in Domino et exsultate, justi : et gloriamini, omnes recti corde.
Gloria Patri, etc.
Ps. Domine, ne in furore.... Quoniàm, paj. 486.
Miserere mei, Deus : secundùm magnam misericordiam tuam.
Et secundùm multitudinem miserationum tuarum : dele iniquitatem meam.
Ampliùs leva me ab iniquitate mea ; et a peccato meo munda me.
Quoniàm iniquitatem meam ego cognosco : et peccatum meum contra me est semper.
Tibi soli peccavi, et malum coram te feci : ut justificeris in sermonibus tuis et vincas, cùm judicaris.
Eccè enim in iniquitatibus conceptus sum : et in peccatis concepit me mater mea.
Eccè enim veritatem dilexisti : incerta et occulta sapientiæ tuæ manifestâsti mihi.
Asperges me hyssopo, et mundabor : lavabis me, et super nivem dealbabor.
Auditui meo dabis gaudium et lætitiam : et exsultabunt ossa humiliata.
Averte faciem tuam à peccatis meis : et omnes iniquitates meas dele.
Cor mundum crea in me, Deus : et spiritum rectum innova in visceribus meis.
Ne projicias me à facie tua : et Spiritum Sanctum tuum ne auferas à me.
Redde mihi lætitiam salutari tui : et spiritu principali confirma me.
Docebo iniquos vias tuas : et impii ad te convertentur.
Libera me de sanguinibus, Deus, Deus salutis meæ : et exsultabit lingua mea justitiam tuam.
Domine, labia mea aperies : os meum annuntiabit laudem tuam.
Quoniàm si voluisses sacrificium, dedissem utiquè : holocaustis non detectaberis.
Sacrificium Deo spiritus contribulatus : cor contritum et humiliatum, Deus, non despipies.
Benignè fac, Domine, in bona voluntale tua Sion : ut ædificentur muri Jerusalem.
Tunc acceptabis sacrificium justitiæ, oblationes et holocausta : tunc imponent super altare tuum vitulos.
Gloria Patri, etc.
Domine, exaudi orationem meam : et clamor meus ad te veniat.
Non avertas faciem tuam à me : in quacumque die tribulor, inclina ad me aurem tuam.
In qnacumque die invocavero te : velociter exaudi me.
Quia defecerunt sicut fumus dies mei : et ossa mea sicut cremium aruerunt.
Percussus sum ut fœnum, et aruit cor meum : quia oblitus sum comedere panem meum.
A voce gemitûs mei : adhæsit os meium carni meæ.
Similis factus sum pellicano solitudinis : factus sum sicut nicticorax in domicilio.
Vigilavi : et factus sum sicut passer solitarius in tecto.
Tota die exprobrabant mihi inimici mei : et qui laudabant me adversùm me jurabant.
Quia cinerem tanquàm panem manducabam : et potum meum cum fletu miscebam.
A facie iræ et indignationis tuæ : quia elevans allisisti me.
Dies mei sicut umbra declinaverunt : et ego sicut fœnum arui.
Tu autem, Domine, in æternum permanes : et memoriale tuum in generationem et generationem.
Tu exsurgens misereberis Sion : quia tempus miserendi ejus, quia venit tempus.
Quoniàm placuerunt servis tuis lapides ejus : et terræ ejus miserebuntur.
Et timebunt gentes nomen tuum, Domine : et omnes reges terræ gloriam tuam.
Quia ædificavit Dominus Sion : et videbitur in gloria sua.
Respesit in orationem humilium : et non sprevit precem eorum.
Scribantur hæc in generatione altera : et populus, qui creabitur, laudabit Dominum.
Quia prospexit de excelso sancto suo : Dominus de cœlo in terram aspexit.
Ut audiret gemitus compeditorum : ut solveret filios interemptorum.
Ut annuntient in Sion nomen Domini : et laudem ejus in Jerusalem.
In conveniendo populos in unum : et reges, ut serviant Domino.
Respondit ei in via virtutis suæ : paucitatem dierum meorum nuntia mihi.
Ne revoces me in dimidio dierum meorum : in generationem et generationem anni tui.
Initio tu, Domine, terram fundisti : et opera manuum tuarum sunt cœli.
Ipsi peribunt, tu autem permanes : et omnes sicut vestimentum veterascent.
Et sicut opertorium mutabis eos, et mutabuntur : tu autem idem ipse es, et anni tui non deficient.
Filii servorum tuorum habitabunt : et Sémen eorum in sæculom dirigetur.
Gloria Patri, etc.
Ps. De profundis, paj. 494.
Domine, exaudi orationem meam, auribus percipe obsecrationem meam in veritate tua : exaudi me in tua justitia.
Ut non intres in judiciam cum servo tuo : quia non justificabitur in conspectu UiQ omnis vivens*
Quia persecutus est inimicus animam ræam : humiliavit in terra vitatn meam.
Collocavit me in obscuris sicut mortuos sæculi : et anxiatus est super me spiritus meus r in me turbatum est cor meum.
Memor fui dierum antiquorum, meditatus sum in omnibus operibus tuis : in factis manuum tuarum meditabar.
Expandi manus meas ad te : anima mea sicut terra sine aqua tibi.
Velociter exaudi me, Domine : defecit spiritus meus.
Non avertas faciem tuam à me : et similis ero descendentibus in lacum.
Auditam fac mibi manè misericordiam tuam : quia in te speravi.
Notam fac mihi viam in qua ambulem : quia ad te levavi animam meam.
Eripe me de inimicis meis, Domine ; ad te confugi : doce me facere voluntatem tuam, quia Deus meus es tu.
Spiritus tuus bonus deducet me in terram rectam, propter nomen tuum : Domine, vivificabis me in sequitate tua.
Educes de tribulatione animam meam : et in misericordia tua disperdes inimicos meos.
Et perdes omnes qui tribulant animam meam : quoniàm ego servus tuus sum.
Gloria Patri, etc.