Préparation irrauc er Gommunion

Eus Wikimammenn


Préparation irrauc er Gommunion.


TRI zra e zou necessær irrauc er Gommunion : ur gùir fé, ur burtæt vras a galon hac un desir ardant d’hum joéntein doh J.-C.

D’er fé é douguein ér speret ur flambêhuen, ur sclerdér bras eit ma uélehemb raih hun Salvér Jésus-Chrouist presant ér Sacremand ag en Autær, hanhuet mystér a fé dré excellance. Er fé e zeli bout carantéus ha lan a santimanteu bras é uélet madeleah infini hun Salvér, en dès cavet un invantion quen admirabl, eit hum rein de vagadur de guaih tud miserabl ha goan èl omb. Mar dé crihue ha parfæt hun fé, hi e laqueï énamb ur burtæt vras a galon, péhani e zou en eil disposition e zeliér en dout eit er Gommunion vad.

Rac n’en dé quet assès hum breparein dré er govézion, necessær é hoah d’un inean en dès er bonheur de receu Oén divin en Eutru Doué, ur burtæt genêral dré mé ma distag doh en ol treu crouéet, quement èl ma oulen en Eutru Doué. Quenevé ma viramb doh græce er gommunion, dré ur stag déréglet doh en treu crouéet, é bèr amzér hi e rehai tud neué a hanamb.

É special en noz quênt er Gommunion, hum breparet dré bellat doh quement-tra e ellehai brouillein hou speret, pé abusein hou calon, eit commancein de chongeal guet joé én heurustæt, ér bonheur a béhani é hoh ingorto. Commancet d’hum exercein ér fé ar er mystér bras-cé, én humilité é hanàuet péh quer bihan é véritet er receu, hac én un desir bras d’hum joentein doh Jésus-Chrouist. Refresquet ol en treu-zé en hou speret hac én hou calon én ur zivunein en trenoz vitin, hum antretenet en hai bet er Gommunion.

Mæs mar deliet jamæs allumein én hou calon un desir ardant ag er mod-cé, é ma é special a p’en doh prest de gommuniein é teliet er gobér gùel eit biscoah. Rac en desir bras, en nan spiriruel d’er bouid adorabl e gueni demb hun Salvér ér Sacremand ag en Autær, e zou er gùellan disposition eit er receu erhat. David e larai gùéharal : hùannadein e ra me halon tremaha zoh, men Doué, èl ur harhue artéret d’en deur. Guet er séhet bras-cé é teliet tostad d'er Sacremand ag en Autær, péhani e zou ur vamen a græceu. Nezé é ellét laret guet priæd ag er hantiqueu : pihue e reï deign er bonheur ma ellein hum joéntein dohoh, ô me Salvér Jésus-Chrouist ! eit ma varhuein de guement-tra e zisplige deoh, ha ne vou birhuiquin meit hou speret e vihuou énan. Énah hemp quin é cavan me ol heurustet, hac hemb oh ne gavan meit misér hac affliction. Preparet hui memb ur galon e hoès choéget de vout hou tamurance, ha péhani ne fal dehi mui cârein meit oh. O men Doué ! perac ne mès mé dispositioneu cair er Uériés Vari eit hou receu ?

Ér Gommunion, hac un nebedic goudé, ne fal quet gobér calz a dra a hanah hou ç’hunan ; lausquet hun Salvér de gonz ha d’obér revé é volanté. Chommet d’er cheleuet, èl pe veoh marhue d’er bed. Lezel hun speret de strêhuein, de monet duhont ha dumen ér momant ma hun nès communiet, e vir doh en Eutru Doué a obér calz a dra énamb. Hum dennein é creis hun halon, èl én un hermitage hun hunan gair, e zou er gùellan moyant de dennein pourfit ag er Gommunion.