Pempet-varnuguent Cantic. Santimanchou un den a fell dezân beva er vad gant Doue, gant e nessa, ha gantâ e-unan

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 99-101)



PEMPET-VAR-N’UGUENT CANTIC.


Santimanchou un den a fell dezân beva ervad gant Doue, gant e nessa ha gantân-e-unan. Var an ear gallec : Charmante Boulangère.



Eveus ar promessaou
A ran deoc’h, va Doue,
Me a guemer da destou
An douar hac an êe ;

Quement so tout selaouit
Va resolucion,
Ha c’hui, Ecleo repetit
Va obligacion.

Quemerit, oll traou croüet,
O quellies à deaud,
Hac em enep couroucet
Tout assembles ra zeuot,
Diguernes, ha dizamant,
D’am c’harga a rebechou,
M’ar em guelit lachamant
O terri va vœuou.

D’ar Vajeste immanç
E pini oun beuzet,
E consacran en offranç
Va c’horf ha va speret ;
Nessantoc’h oun d’am Doue
Eguet din va unan,
Ha cals mui em c’har ive
Eguet n’en em garan.

Mæs evit en assuranç
Plijout d’e Vajeste,
E ranquan en e bresanç,
Bale gant purete :
Esanç un dourn criminel
A zeu d’ê offansi.
Ur galoun pur ha fidel.
A ranq d’ê gountanti.

Eus va c’hrimou al listen
D’e justiç presantet,
A c’houlen e perissen
D’e venjanç immolet ;
Mæs penitant, dirazan
prosternet d’an daoulin,

Ar pardoun a c’houlennan,
Ar pardoun a ro din.

P’ameus isom a bardoun,
D’am zro me bardouno :
Me guemer evit mignoun
An nep am offanso :
Evit caret pep unan
Ne ranquin quen ræson
N’emet m’oun den eveltan,
Hac en den eveldon.

Doue a ro da c’houarn,
Ha non pas da viret
Tra ar paour, ha va daouarn
D’e sicour digoret,
Dreist e lod en devezo,
Ar pez a zioüerin
Hepquen ganê a joumo,
Ar rest tout a gollin.

Paour hep en em jali,
Pinvidic hep attach,
Fidel d’am stad heb avi,
Countant eus va fartach,
Me ne squisin ho pennou
Na va fenn va unan,
O poursu ho faveuryou,
Idolou ar bed-mân.

Ar bed-mân a zisprigin
Gant e voguidellou,
Hac absolu e sujin
Va oll fassionou ;
Gant Doue, gant va nessa, .
Ha ganên va-unan,
E peoc’h e fell din beva,
Quen tra ne zesiran.