all, manket d’ar ger en deffe roet ; a goude tout, me ne hellan ket mankout d’am hini ; pa meuz lavaret mont, e zin, hag eb dale pelloc’h ! Ho pennoz eta, Aotrou n’Eskop, d’in ha d’am c’hlenze, ma lammin var va marc’h da ziskar an Tromenec’h, ma vezo hivisiken peoc’h d’an dud er vro man.
Pa peuz roet da c’her, kea ’ta, Breizad kalounek ! Ra vezo nerz Doue ganez hag gant da glenze ! Kea, ha bez treac’h, en hano an Tad, ar Mab, hag ar Spered-Santel !
A breman, var varc’h ; araok pell, fizians a meuz,
me vezo distro da rei deoc’h, Aotrou n’Eskop, a
deoc’h c’hui tud keiz, ar c’helou mad e vezo achu e
vuez hag e dorfedou gant muntrer ar vro-man !
(Mont e ra kuit).
Goal skuiz hen doa an ear da veza evit mont deoc’h-tu var an dachen ; keuz a meuz da veza e. lezet da vont, iaouank ha tener c’hoaz, da glask stourm euz eul lazer ken gouiziek var e vicher hag an Tromenec’h :
Bezit dispount, Aotrou n’Eskop ; neuz ket bet pell-zo eur c’hlenze par da hini an Aotrou Karman ; mar bez leal ar stourm, Tromenec’h zo deomp.
Mez ar gouli euz e vreac’h a zinerzo Karman ! O va Doue ! enkrez a zo em c’halon !
