Pajenn:Proux - Bombard Kerne, 1866.djvu/65

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 54 —


Ni hon deuz bet amzer vad koulskoude :
Tennet, lazet, karget leiz hor sier.
Tud iaouank kaez ! Petra dapit aze ?
Logod, razed, pintiged ha kizier !
Grid evel-d-oun, skourit ho fuzuiliou,
Zant Hubert koz, hon tad hag hor faeroun,
A zo mouzet war e skaon, enn Envou,
D’hen divouza, kournomp a nerz-kaloun !


————


AR PAOUR KEAZ LAZAR


Graet gand eunn den nevez-zistro oud ar bed-all


————


War Don : Maoud ar Goff ha maoud ar Gall.


War ma fe ! ma mignounet,
Divalo oun bet gwasket.
Sonjal a rean, e taol-ma,
E rankchenn lipad ma loa.


Diskan
Tra, la, tra, la, tra, la, la ! (bis.)


Ann Ankou, ann dougnez kri,
Evit ma stleja, gant-hi,
E bro teval ar goet,
Kalz, kalz, he deuz c’hoariet.

Diskan : Tra, la…