Pajenn:Picard - E Menez Arre ha war hor maeziou.djvu/63

Eus Wikimammenn
Adlennet eo bet ar bajenn-mañ
— 57 —


AN TROUC’HER GOUZER E MENEZ ARRE
————

Eur c’hroc’hen maout war choug e gein
Hag en eur podig pri e lein,
Eman war e droad
En e voutou koad
Gant e falz war goubl e vrec’h,
O vont war e bouez d’an nec’h,
Er beure,
D’ar mene
’Lec’h ma renk ober
E garrad gouzer.


Dioc’h-tu e krog en e labour
E giz ar gwella devezour,
Ken e welit an drammou
oc’h ’n em astenn a renkadou.
’Vel ’n aotrou Doue pa grouas ar bed
E laka eur c’horniad etre pep pred ;
Skei a ra war e vên
Gant e ziren
O pebez eur dispar !
E-unan hel lavar :
Neuze,
Er mene.
Hen eo ar roue !
Evel-se e zevez a dremen
Hep ma loskfe eur glemmaden.

Paour kêz trouc’her gouzer !
’N em ober d’e vicher
Eo dlead an den fur....
Te hen goar, m’hen assur ! ! !