Kadarnaet eo bet ar bajenn-mañ
Sal vras teñval ur vereuri.
E goueled ar sal, ur prenestrig hag un nor. En tu dehou, ur gwele digempenn. En tu kleiz, un oaled.
Pa sav ar ouel, emañ ar Vamm oc’h ober war-dro an tan. Gwisket-tomm eo Malo, evel ur paotr bet klañv, lienennoù gwenn en-dro d’e c’houzoug.
N’eus evit sklerijennañ ar sal nemet, a-dreuz d’ar prenestrig, goulou heol an nevez-amzer o splannañ er-maez.