Soñj am bo, aotrou. Ha bremañ, ez an da gerc’hat va marc’h. Kenavo.
Ar marc’heger a ya kuit.
Peogwir eo bet roet ar marc’h-se gant an diaoul, koulz eo din e werzhañ, hag echuiñ diouzhtu gant an diaouled hag an diaoulerezh. Kerkent ha ma vo marv va mestr Fostus, — ha ne bado ket pell bremañ, — ez in kuit eus ar vro-mañ hag e prenin ur maner gant e arc’hant. Neuze avat e vin un aotrou bras.
Mefistofelez a laka e benn er-maez en tu
dehou eus al leurenn.
A gav dit, lakepod ?
Kuzhat a ra e benn diouzhtu.
A gav din ? Piv en deus komzet ?
Mont a ra en tu dehou. Mefistofelez a laka e
benn er-maez en tu kleiz.
Teuziñ a raio da vadoù, evel m’eo teuzet ar pemp mil lur ac’h eus bet evit da varc’h.
Kuzhat a ra e benn diouzhtu adarre.
Hola ! Hola ! Piv ’zo aze ?... N’eus den ! Huñvreal a ran... Teuziñ a raio va madoù evel m’eo teuzet ar pemp mil lur am eus bet ! (O furchal en e