Ha te Alan distro out d’ar Vro ivez ta ?
Ya distro on. Trawalc’h am euz bet euz Pariz,
Alan a zo distroët a Bariz evit lakat ac’hanon da zistrei hag evit sikour Pierrik d’am digas d’ar ger, rak biken n'em bije kredet dont ma unan dirak ho taoulagad. — Re a vez am oa euz va buez dremenet. — Ha neuze re fall a oan ivez evit distrei ma unan.
Ne toa ket lavaret d’inn e tlee Alan distrei ganeoc’h. Hag evit se, bremaik em euz bet poan oc’h anavezout anezan var ann hent.
Nann va zad, n’am oa ket sonjet lavaret d’eoc’h var va lizer e tlee Alan distrei ganeomp, rak me a oa ken laouen, ma na ouien ken pelec’h e oan. Mes pardonit d’inn mar plij ! ha te ive Alan.
Ia pardounet out… ze na ra netra, skrivet am euz d’am zud e tleen en em gaout unan euz an devechou-man. Ne ouien ket, avad, petra devez ha setu perag n’eus den o c’hortoz ac’hanon fenoz, ha pa n’em gavinn bremaïk e vezinn gwelet.
Petra, Alan, sonjal a rez eta mont d’ar ger fennoz. Koulscoude sethu ann devalijen o tont hag an hentchou a zo fall. Gwell a vefe did chom aman gant da goan, ha goude da loja. — Neo ket gweleou a vank. — Breman, potred, tostaomp deuz an daol, tomm e ar zoubenn.
Enpad ma trebfomp, e kontfet deomp ar pez ho peus great e Paris e pad daou vla anter.
