Gouzout a ran… Mes sell ar pleg hent a zispak dreg ann ty-gwenn da zont c’hoaz d’en em guzat dindan ar gwez fô, na welez-te ket var an hent-se eun dra bennak a zu o finval ?
Eo gwelet a ran… Ha goude ? Te gav did eo va mibien a deufe du-hont gant ann hent ?
Ia Job a Pierrik ha ganto eur Breizad all ha n’allan ket anavezout ac’hann.
Hennez eo Alan ar Skouarnek, a oa eat kwit ac’hann gant Job breman zo daou vla hanter.
Ah, ya ! Alan ar Skouarnek, mab ar c’halvez a zo du hont enn traon ar bourg o chom n’am oa ket klevet lavaret e tlee distrei euz a Bariz.
Red mad eo toma eun dra bennag araok m’en em gavfont rak naon a dleont kaout. Ha neuze, eru eo ivez poent preja. Choum a ri ganeomp Herveik ?
Bennoz Doue ! Va greg a zo e c’hortoz ac’hanon hag e vo droug enni mar n’em gavan ket er ger evit koania.
Da vreg na lavaro man pa ouïo e vezi choumet ganin da c’hortoz va mibien, ha da zigemer anezo. Ha neuze ne vezi ket pell rak skwiz e vezint marvad.
(Dont a reont o daou kreiz an ty. Yan a laka ar gotter war ann tan).
