Adlennet eo bet ar bajenn-mañ
448
LA BRETAGNE POÉTIQUE.
BOKEDIK GLAZ HA SIDANIK
————
Bokedik glaz koant ha laouen,
Perak, lavar, en em guzez ?
Perak e stou izel da benn
A-zindan eur bodik kelvez ?
Me c’hoar perak : eno ar gliz
Enn hanv war-n-oud gouez stank enn noz ;
Eno, epad ma c’hor ann deiz.
Te a zell doun er Baradoz ;
Eno, easoc’h d’id dispaka
Da liou evel liou ann envou ;
Eno, da Zoue c’hellez strinka
Da c’houez-vad ha da bedennou ;
Ac’hano e klev da galoun,
Pell dioc’h ann trouz a zo er bed,
Hiboud ann dour ia d’ar mor doun
Ha mouez pep tra lavar karet.
Eno, oud lakeat da zevel
Gant Doue ra evit ar gwella ;
Sevel a ri da veza huel,
Te, bokedik, ann izella.
