Pajenn:Milin - Marvaillou Grac h-koz.djvu/89

Eus Wikimammenn
Aller à la navigation Aller à la recherche
Adlennet eo bet ar bajenn-mañ
72
MARVAILLOU GRAC'H-KOZ

Sellet piz a zo red oc’h ann dud, al louzou,
» Evit gouzout piou int, pe ez eo mad pe fall
» Ho spered, ho c’haloun, ho deliou, ho grisiou.
        » Bez’ ez euz da ziouall :
        » Rak da welet hevel,
» Darn anezho iac’huz, darn all a zo marvel.
        » Va mabik keaz, hiviziken,
        » N’ankounac’ha ket va c’helenn ! »


ANN AER HAG ANN TAMM DIR


Gwechall e voa eunn aer o choum tost d’eur c’hofel.
(Koulz amezek hag hen a vije bet kavet)
Eunn dervez m’en doa naoun, o furcha ken a c’hell
Da glask eunn dra bennag dre ann hernach kalet,
E kavaz eunn tamm dir ne voa bouk da zuna.
Ann aer a stag gant-han o kredi he grignat.