Kadarnaet eo bet ar bajenn-mañ
42
MARVAILLOU GRAC'H-KOZ
LAGAD AR MESTR
————
LAGAD A DALV DEN
Lagad ar mestr a lard ar marc’h
Hag a laka ed barr ann arc’h. (Prov. br.)
Eur c’haro gwall-gaset er c’hoad,
Evit tec’het ’raok ar maro
Enn eur vereuri a voa eat,
Dall gant he spount. — Paour keaz karo !
Ann ankou a zo oc’h da gas
D’al leac’h m’eo d’id mervel, siouaz ! —
En em guzet a ra enn eur c’hraou ejenned.
Gant ar re-man voe kelennet
Da vont da glask eul leac’h gwelloc’h.
— « Va breudeur, eme z-han, list ac’hanoun gan-hoc’h
» Ha na lavarit ket da zen ;
» Me ziskouezo d’hoc’h eur braden