Adlennet eo bet ar bajenn-mañ
Fur oud, map, kaer eo da eured,
Merc’h eur vamm gristen da bried.
Fur, pa vez divezad,
’Zigor he zaoulagad.
G
Glaouaer hag Impalaer rank dougenn ho hordenn ;
Jezuz o vont a-raok, gina ne dlefe den.
Gortozomp ann amzer, ne bado ket an noz ;
Goude poan ar bed-ma, dudi ar Baradoz.
Goude beza great fall, plegit diudan ho poan ;
Ann den a bec’h a dle en em varn he-unan.
Goude meuli eunn den, arabad he damall,
Rak anez hoc’h-unan e vec’h kavet den fall.
Gragez, evit gallout ren mad ho tiegez,
Bezit fur, aketuz, sioul hag habask bemdez.