Adlennet eo bet ar bajenn-mañ
Eur goz-frakel furnez ar bed ;
Storlok a ra hep skiant e-bed.
Eur gudenn fall gant lealded,
E daou c’her krenn vez difuillet.
Eur gwennek a zo espernet
A dalv ous-penn kant dispignet.
Eur gwir damall ziskar furnez,
Hag a zigas nec’h hag enkrez.
Eur c’hi koz, stag oc’h ar chaden,
Nemet kousket ne raio ken.
Eur c’hoz-ti zoul enn-han mignoun,
A zo eul lez kaer d’ar galoun.
Eur c’hrek fur, pa ve divalo,
Zo dreist ar gaera grek a zo.
Eur c’hrek koant a ra he deviz,
Zoug minel aour oc’h fri eur wiz.
Eur c’hrek hon-nez n’euz ket he far
Zo dall, bouzar ha dilavar.