Adlennet eo bet ar bajenn-mañ
E levr kaer ann envou ann tiek noz-deiz a lenn,
Hag hep skol all e-hed zo ar gwisieka den.
Evel-hen a c’hoarvez enn amzer zo brema :
Hen-nez a fell d’ezhan ober labour he-ma,
He-ma labour hen-nez ; ha, dre ziskianted,
Ez a bemdez pep tra falloc’h-falla ar bed.
――――
Eaz eo beva, eaz eo mervel
Da galoun leal ha dourn hevel.
Eaz eo d’ar goaz tamall maouez ;
Gwelloc’h a-ze n’em em ziskouez.
E barr he nerz, ne zonj ann den
E Doue nag enn he chourc’hemenn.
E bek ar skeuliou huel
E c’houez kre ann avel.
E bro ebed ne d-eo pec’hed
Kaout truez oc’h ar re zoaniet.
