Adlennet eo bet ar bajenn-mañ
D’ar vugale gwella madou
Zo oberou mad ho zadou.
Dastum nerz a rank ann ene,
’Vit mont diwar ar bed d’ann Ee.
Da zont da gaout he vugale,
Pa vez pedet, Doue ne zale.
Da wiadenn
Doue ro neudenn.
Debr bara endra bad,
Ha na ef gwin a vozad.
Den a c’haoliad war rogentez,
Kornandounik war eur menez.
Den digaloun ha pinvidik
Ne dalv eunn den mad, reuzeudik.
Den diskaret ne dle mervel,
Dourn Doue a astenn d’he zevel.
Den ne gredo komzou genou
Ne deu anezhan nemet gaou.
