Pajenn:Milin - Furnez ar geiz.djvu/32

Eus Wikimammenn
Adlennet eo bet ar bajenn-mañ


Kaset gant he galoun ha deut dall he spered,
Skiant ann den zo ken teo m’en deuz beac’h o welet
Evit piou ez eo great, hag e tle he ene
Mont, dre histren he gorf, da vean perlez enn Ee.

Kemerit da bried ann dosta d’ho kaloun,
Sellit oc’h ar furnez, list ar madou difoun.

Kenta ha diveza, Doue zo o ren ar bed ;
Kement zo her lavar, ’met ann den hep spered.

Kenta zo eo tevel, ha tevel c’hoaz goude ;
Ar prezeg mad hep-ken a zo karet gant Doue.

Ker koulz koz ha iaouank, ann holl varv gant anken ;
Ne varv ket re abred nep a varv gwir gristen.

Koant ha fur, ar verc’h paour zo choumet dizemez ;
Botez frikel arc’hant e deuz kavet parez.

Kollet he feiz gant-han petra choum gant ann den ?
Eur galoun enn he greiz da zistrei da gristen.

Komzou mad daou bried ho lak euruz bemdez,
Rendael evit netra a voug pep karantez.