Adlennet eo bet ar bajenn-mañ
Bennoz ann tad zo diazez
Ti bugale ar garantez.
Bet eo ar varn, deut eo d’ar gear
Iann diroched ha Per diloar.
Beza, beva e Doue hep-ken
A zo hevel da eur c’hristen.
Beza euruz zo beza mad,
Kaout madelez a zo ebad.
Beza paour ne d-eo ket pec’hed,
Evelato gwelloc’h tec’het.
Beza pinvidik n’eo netra,
Beza euruz zo ar gwella.
Bezit atao mignoun ho krek,
Ha gwistignit mad ho kazek.
Beva er-vad a zo kals gwell,
Evit na d-eo klask beva pell.
Beva zo mad, beva zo red,
Larda diegi zo pec’hed.