Adlennet eo bet ar bajenn-mañ
Ar gwella tra enn tiegez,
A zo eur c’hrek leun a furnez.
Ar c’hrek a gar pe a gasa,
Ha da garet zo ar wella.
Ar c’hrek e poan zo o c’henel,
Dioc’h kaloun Doue great mamm bugel,
A beur-c’hra kaer labour ann Ee :
Enn eur c’horf tigas eunn ene.
Arc’hant zo gant poan gounezet
Ne dle beza gwall-zispignet.
Ar c’horf heb boed, ar rod heb ael,
Ene hep mad ne d-eont a-bell.
Ar c’hosa den zo bet biskoaz,
Ober he dalarou rankaz.
Ar c’hristen ne dle kasaat,
Pa’z eo en em garet ker mad.
Ar mad kuzet zo ar gwella,
Eul lagad zo a well pep tra.
