Adlennet eo bet ar bajenn-mañ
Ann den zo drouk a goll he benn,
Eul loen diskiant n’eo ket eunn den.
Ann didalvez ne ve enouet,
Ma labourfe evel m’eo red.
Ann didalvez n’en deuz amzer,
Gant ar c’hoant en deuz da ober.
Ann dillad kaer, ann dantelez
Ne guzont dibaot santelez.
Ann dispounta rak ar maro
Zo ar gwella kristen a zo.
Ann drouk a reomp d’ar re vihan
A gouez war hor penn hon-unan.
Ann dud a zo a galoun vad
A zo laouen, euruz ho stad.
Ann dud ho deuz furnez ha skiant
D’ober pep mad a gav atant.
Ann dud wella vez dispennet,
Hag ar frouez mad prenvedet.
