Ar paour a zo noaz-beo ha gant naoun du a c’hlaour :
Pinvidik, m’ho peuz feiz, gwiskit, magit ar paour.
Ar pez zo gwir ha leal a zo mad da c’houlenn,
Goulenn eunn dra zisleal ziskouez eo fall ann den.
Ar pez en deuz ezomm bemdez zo roet d’ann den,
Perak eo diez d’ezhan choum war ann aroudenn ?
Ar pez zo re zo fall : al lestr zo re garget,
Pa na ve hirr ann treiz, a ia buan d’ar weled.
Ar pinvidik, ar paour, ann den dister ha braz
A rank mont d’ar maro, dre boaniou zo divlaz.
Ar re fall zo euruz a laka ar re vad
Da c’hortoz deiz ar varn, o tenna huanad.
Ar re laka ann den ganet a-wenn chatal
Ne lavaront kalz gaou ; tostik int kevatal.
Ar re vad vev laouen ann eil gant egile,
Ar peoc’h etre tud fall padout pell ne c’hellfe.
Avel pep tra er bed : ann den fur a gavo,
Evit beza euruz, eo karet gwella zo.
Pajenn:Milin - Furnez ar geiz.djvu/16
Adlennet eo bet ar bajenn-mañ