Adlennet eo bet ar bajenn-mañ
Spered ann den a zo berr-boell,
Ne diz na doun, nag huel, na pell.
Staga enebour oc’h ar grouk
Zo er galoun mouga pep drouk.
T
Tamallet oc’h e kuz, list ann dud da brezeg ;
Kent evit ma tavfent, e Doue klaskfent abek.
Tamall ha drouk-prezeg, diwar c’hoari zo-ken,
Laka kaloun mignoun da ranna gant anken.
Teod kagouill, fistiller, choum sioul enn da c’henou ;
Ken a c’houezi tevel, ne vo mad da gomzou.
Tec’hit dioc’h ann teod flour, goloet he brezeg ;
Ar wirionez a gomz didroidel, displeg.
Techit dioc’h tud tenval ; ann dour, pa na red ket,
A vez louz peur-vuia, leun a amprefaned.