Kadarnaet eo bet ar bajenn-mañ
— 57 —
O c’houi, Elez hag Arc’helez,
Sent ha Santezed ann Nevou,
kanit ho kaera kantikou.
d’am digemeret enn ho touez !
Ha te, Sant Per, digor ann nor
frank ha ledan da Iann Varek
plas brema d’ann Ene Naounek
’zo achuet he Burgator !
KEUR ANN ELEZ
(adre ar zenenn, o kana.).
Ar vamm e deuz pardounet ; ann Tad a bardouno.
Gloria in excelsis Deo !
ANN ANKOU
(o tigeri ann nor.)
Hast affo, Iann Varek ! Sell, brao eo anezhi,
hag enn oabl e weler stered o lugerni,
ann avel en deuz seac’het ann hent epad ann noz :
ne vimp ket pell da vond d’ar Baradoz !
————
