Kadarnaet eo bet ar bajenn-mañ
— 23 —
Gant he fateriou ema-hi ?
Gwell a ze d’in ! Me vo trankilloc’h o tribi.
- (en em lakaat a ra da lounka boued ann Anaoun.)
AR VAMM
- (o sevel he fenn rak-tal)
Na petra ra hema ? Doue, Mari, Jezuz !
Boued ann Anaoun eo, gwalleüruz !
IANN VAREK
- (leun he c’hinou, enn eur c’hoarzin.)
Boued ann Anaoun ? Hahahahaha !
Ar re-ze n’ho deuz ezomm a netra !
Chom da lavaret da bedenn
ha lez ac’hanoun gant va logodenn !
AR VAMM
Iann, va faotr keaz ! laosk ar re-ze, m’az ped,
peotramant e vi daonet !
