mour d’ar gwall-gomzou. Hag ouspenn, ma c’hoarvezfe ganen ’n em gavout diere…
- GWILHOM
Penaos, diere ? Petra ’fell d’it lârout ?
- ELEN
Da lârout eo… heu… e c’hallfen marteze ’n em glevout gant Tomaz, ma’m bezo da vont kuit gant e c’hrad-vat…
- GWILHOM, en arvar.
Mar be posubl, evit sur e ve furoc’h. Eun taol-penn a zo graet en eur predig ; ar c’heuz avat a bad ar vuhez holl.
- ELEN
O ! evit pez a sell ar c’heuz… Keuz d’e reuz, den n’en deus !
- GWILHOM
Koulskoude eun tiegez vat a zo d’it, ha kement tra ’c’h eus en da zouet.
- ELEN
Enep se n’hellan ket lârout. Kement tra ’m eus ezomm ne vez ket refuzet d’in james.
- GWILHOM
Du-hont, avat, e Toulon… Ker-kenañ eo ar vevañs, am eus klevet ; hag eun eil-mestr, her goût a rez, n’eo ket gwall-stank ar pae gantañ.
Klevout a reer pemp eur o seni en iliz.
Pemp eur dija !
- ELEN, evel outi hec’h-unan.
Na gorrek eo an amzer !
- GWILHOM, souezet.
A gav d’it ? Me avat a zo ret ganen mont d’ar gêr
