- GWILHOM
Eo, evit pez a sell ouzin da vihana, rak ar seurt korden-se, kerkent ha te krouget, kerkent hag hi torret !
- ELEN, bero en he mouez.
Te ’zo sur e torro ?
- GWILHOM
Ar gorden-mañ, diwar-welout, ar fina paotr a vo tromplet. Mes eun timonier mat ne vo ket.
Dispilha a ra kreizen ar gorden.
- GWILHOM
Hemañ a zo fals-kanab, evel a anver. Pa vez glebiet ne sec’h ket ken, hag eun taol ma vez brein, foutu eo. Mar kerez ec’h erein ar valizenn ?
- ELEN
Ket dioustu c’hoaz.
En em lakaat a ra da beilhat ar patatez.
- GWILHOM
Alato… Oc’h ober se, ne vo ket re a zale d’it ?
- ELEN, war varteze.
Dre ma’z an kuit, se n’eo ket eun abeg ’vit lezel ar goan hep he c’higna ! Ahendall, gwelloc’h e ve, ’gav d’in, n’arrufen d’ar gar ’met d’ar poent diweza.
- GWILHOM
Se a zo serten. Ha c’hoaz, kaer az pezo ober, ne vezi ket hep beza remerket.
- ELEN
A gav din-m e ivez.
Tevel a ra eur pennad mat.
Moarvat, goude beza pouezet holl, e vije gwell ganen mont kuit dindan eur pennad amzer, ’bla-
