verr eo da nebeuta ! Drol eo, alato, eur pez korden ’vel-se, ha teo ha nevez ha tout…
- ELEN, o sellout ouz ar gorden.
Drol eo evit sur. Ne gave ket d’in e ve eur vuoc’h kement a nerz gant he c’herniel. Erfin, graet eo pez a zo graet. Ma teu Tomaz da remerka, sur e kano an oferenn d’it !
- KATOU
Marteze e viro ar priz ouzin war va gopr ? Lîrit ’ta, Len : N’hellfec’h ket arañji an dra, ma chomo Tomaz hep gouzout ?
- ELEN, kintus.
Peseurt ’fell d’it ec’h arañjin ? N’hellan ket pega ar gorden moarvat, nag he hiraat kennebeut !
- KATOU
Sur n ’hellit ket. Koulskoude, c’houi ’c’hellfe ober da vihana ne ve ket remerket an andred torret ?
- ELEN
Evel ma vije fasil d’ober ! Eur berrwel e welfe hep lunedou !
- KATOU, mitaouik.
Selaouit ’ta, Len. Bez' ez eus traou amañ, eun dall ’vit sur a ve kapabl d’o gwelout, me ’alato a ra en eun doare ma ne c’hall Tomaz remerka.
- ELEN, cheñchet, mall warni.
Gortoz. Ro d’in eun tamm sifel.
Tra ma klask Katou ar sifel, e trouc’h penn dispilhet ar gorden.
- ELEN
La. Hag er c’hiz-se bremañ.
Froti a ra penn ar gorden war zouar al leurenn.
