Kadarnaet eo bet ar bajenn-mañ
35
FANT
’Ket gwir ! Te a zo mat, Del gaez.
Mes fall eo ar re all, a nac’h
e ve amañ ganin em sac’h
eneou kavet war an traez.
Furchal a ra en he sac’h.
Ar c’henta ene ’m eus kavet
’oa hini va muia-karet.
DEL
Me ’oar…
FANT
Dont a rae eus an Inizi
ha ni ’oa war hon dimezi…
Me ’oa deuet amañ eus va bro
’vit beza ’bretoc’h war e dro…
DEL
E lestr ’zo bet en em gollet…
E gorf ’zo bet d’an aod taolet…
FANT
E ene gantañ ’n e gichen.
DEL
Er vered n’eo ket bet laket…
Fant kaez, n’en em c’hlac’harez ket…
me ’oar an istor penn-da-benn.
FANT, kuzulik.
Eun dra ’ouzon, te n’hen gouzout :
d’am mignon int o deus graet droug.
