’N eur c’harreos alaouret hec’h an,
Peder rod arc’hant dindan-han.
— Pennherezic, glorusès oc’h,
Comz a ra ann dut ac’hanoc’h ;
— Penaos comzfer ac’hanon-me
Perc’henn pemp mill scoed a leuve ?
— Pennherezic, d’in-me laret,
Pe seurt leuve eo a douchet ?
— Eur boezell gwiniz, mil ha seiz,
A douch ma zad a Venez-Breiz,
Hac eur maout bemdez a Leon
Ha na eus buguel nemed-on ;
Na eus pennheres er vro-me
A varcho eur paz araoc-on-me ;
Nemed hinin ar Gerdadraou,
Mar gra eur paz, na raï ket daou ;
Ha mar march daou, na reï ket tri,
Rac me varcho kerkent hac hi ;
Ha ma march tri, na reï ket pewar,
Rac carget eo d’ez-hi ho faner ;
Carget eo d’ez-hi he faner
Control da hinin eur merser :
Ar merser a zoug war he chouc,
Ar bennheres a zoug araoc.
Eur païsant diwar er meas
A neus sammet [1] ar bennheres.
Canet gant Mie Ale An Noan-Duault.
- ↑ Var : tromplet.
