Pajenn:Luzel - Soniou Breiz Izel vol 1 1890.djvu/176

Eus Wikimammenn
Adlennet eo bet ar bajenn-mañ
— 120 —



MARC’HAD ANN AMOUROUSTED
____


Comz aliès oc’h eus clewet
   Dimeuz an amourousted !
Eramtira, dariraineu !

Me garje cât deuz anezhan
   Daou liarded da brenan.

Me ’m oa bet daou liardet dec’h,
   N’oa ket hirroc’h wit ma brec’h !

Ha me ’vont gant-han war-ar-mès,
   O c’hober peder vestrès.

Na diou anez-he a oa coant,
   Ha diou all defoa arc’hant ;

Ann diou oa coant a blije d’in,
   Ann diou all oa dizoursi.


Lamoute. — Paimpol.

______________



EVEL EUR VAGIC WAR AR STANC
____


— Débonjour d’eoc’h, ma mestrézic,
   Ho calon a zo manific ?

— Ma c’halon-me a zo contant,
   Mar eo hoc’h hini, den iaouanc.

— Ma mestres, p’an biou ho jardinn,
   Me a gleo c’houez al louzou finn,

C’houez ann thim hac ar violet ;
   Ma mestres, reit d’in eur bouquet.