Breizadez oun. — Sell ma lagad,
Glaz evel hini mamm ha tad,
Karantezus ’wit an dud reiz,
Du, teval ’wit enebour Breiz !
Breizadez onn. — Ma c’harante
Na dec’h ket ’raok ar baourante,
Gwell ’ve ganin merwel raktal,
’Wit bout pinvidik ’n eur vro all.
N’eo ket Breizad, an neb na gar
Breiz dreist peb bro war an douar,
Ra ‘n em denno diouzin-pell,
En Breiz na dlefe ket genel !
N’eo ket Breizad, ha ma c’halon,
Hep truez, ha kounnaret don,
Warnan ’c’houlenn malloz al loar,
Malloz an nenv hag ar gounnar !
