Pajenn:Luzel - Gwerziou Breiz-Izel vol 1 1868.djvu/532

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



MARKIZES DEGANGE.
EIL GWES.
________


I


   Selaouet holl hag a klewfet
Ur werz ’zo a newez zavet ;
Ur werz ’zo a newez zavet,
Da ur varkizes ez eo gret.

   Merc’h ’oa d’ann duk euz a Rohan,
Penheres, pa oa hi unan ;
Penheres, oa pa na oa ken,
Heritoures d’hi holl voïenn.

   Kasset oe d’ Baris, da deski
Ar c’hadans hag ar c’hademi ;
Ar c’hademi hag ar c’hadans,
’Wit diskouri gant ann noblans.

   Hag en distro euz a-c’hane,
Tudjentil hi daremprede ;
Tudjentil hi daremprede,
Euz a wad uhel ar roue.

   A gement hi daremprede,
Neb-hini d’ez-hi na blije,
Ken deuas markiz Degange, [1]
D’hennes roas hi c’harante.


II


   Ur miz anter ez eo padet
Ar solennite ann euret ;
Met kement-se na bad ket pell,
Mont ’renk ar markiz d’ar brezell,

   Pa ambarke war ar mor-braz,
He enebour a rankontras ;
He enebour ’n euz rankontret,
Goull’ gourenn out-han hen euz gret.

  1. Variante :
    Dont’ ra hi zad da supposi
    A vije mad hi dimizi,
    Hag hi reï d’ur markiz puissant,
    Kastelleni, un den vaillant.