Pajenn:Luzel - Bepred Breizad.djvu/58

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



Limousinod ’zò a vrò-bell,
N’eò ket gànet en Breiz-Izell ;
’Vel eùn aotrou ez è gwisket,
’Vel eur person ez è disket. —

Na gomz nemed ar Gallek-c’houek,
Ha faé rà eùz ar Brezònek,
Hag eùz holl baotred an Armor ;
Henès ’vad a zò eur pabor ! —

Kàrout ’ra kaer ar chistr, ar gwin,
Hag ar voùtail hag ar chòpin
Ez eo ar benwiou, me grèd,
Peurvuia gant-han ’ve gwelet.

Eiz dé penn-da-benn eo pàdet
Dansou ha festou ann eùred,
Ma lavaré an holl dùd fùr : —
— « Kement-ma ’dremen ar muzur ! » —