Pajenn:Luzel - Bepred Breizad.djvu/124

Eus Wikimammenn
Adlennet eo bet ar bajenn-mañ


Jezuz, kaera procession,
En-drò da Iliz hon Itron ! —
War lerc’h ar vamm baour hag he mab,
Gant ann daerou ’n hò daoulagad.

Hag e pedont hag e kànònt,
Hag a greiz-kalon e larònt : —
— « Mari, karget a vadèlez,
» Bezet truez ouz-imb, Gwerc’hez ! » —


IV.


Ar Werc’hez sàkr a Zant Karé
Hiriò ’vad, deùz d’ober aré !
Gwisket ’zô d’ez-hi ’zaè zei-gwenn,
Eur garlantez ’zò war he fenn.

Hag a beb-korn a Vreiz-Izell,
Ha d’eùz a dost ha d’eùz a-bell,
Ar ré glanv, ar ré mac’hagnet,
’N deiz he fardon, ’deù d’he gwelet.