Pajenn:Lescour - Telenn Remengol.djvu/166

Eus Wikimammenn
Adlennet eo bet ar bajenn-mañ


SALUD HA KENAVO DA REMENGOL

————

SALUD DA REMENGOL

————

D’ANN AOTROU F.-M. LUZEL

Da zul pardon braz Remengol, a bad pemzek deiz, ann henchou a vez goloet a belerined , darn bet klan gant klevejou danjeruz ; darn all, distro diwar ar mor, pe euz ar brezel. Mont a reont diarc’henn hag e korf ho rochedou ; holl en em strinkont d’ann daoulin rak-tal ma welont tour ann iliz santel. Aliez en em gav ive enn ho zouez, eur c’hloarek iaouank bennag. Deut evit ho gweach kenta, hag enn eur ouela, gant laouenedigez, e lavaront :


Salud, douar burzuduz, war b’hini bep kammad,
E teu daelou a joa a-leiz ma daoulagad,
Salud, iliz Remengol, ar gaera zo er bed,
Salud, ma fatrounez vad, mamm ger ar Vretouned,