Pajenn:Lescour - Telenn Remengol.djvu/100

Eus Wikimammenn
Adlennet eo bet ar bajenn-mañ


« O stourm oc’h listri ar Zaozon,
» Va zad zo beuzet er mor don. (bis.)

» Kalon va mamm baour a rannaz,
» Gant ar c’helou-ze, pa glevas. (bis.)

» Me n’em euz den, allaz ! brema ;
» Petra rinn-me war ar bed-ma ? (bis.)

» Me n’em euz mui war ann douar
» Na tad, na mamm, na kar, na par ; (bis.)

» Na tad, na mamm, na kar, na par ;
» Va buez vo kaon ha glac’har. (bis.)

» — Nann ! Ar paour enn env deuz eunn tad,
» Hag e Remengol eur vamm vad ! (bis.)

» Va mamm d’in e deuz lavaret,
» Pedi ar Werc’hez vinniget ; (bis.)

» Pedi Gwerc’hez vad Remengol,
» Ha ne d-ajenn biken da goll. (bis.)

» Astennit ’ta ho torn santel,
» Gwerc’hez, brema war ho pugel ! (bis.)

» Me, minorez paour dilezet,
» War va zreid noaz iel d’ho kwelet. (bis.)