Pajenn:Le Strat - Guerzenneu Breih-Izel, 1931.djvu/76

— 76 —

Ur sonnen a neùé saùet,
Lon la
Landerina.

II

Saùet a Vreih, mem bro karet (bis)
Er vro kaëran e zou ér bed.

III

Bennoh de Zoué ma on gañnet
E bro santél er Vretoned.

IV

Pe oé me géneu digoret,
E brehoneg em es konzet

V

E brehoneg em es konzet,
E brehoneg em es pedet.

VI

Pe den ér lann get me loñned
Na liéset em es soñnet !

VII

Soñnenneu gal ne larén ket,
Brehoneg e soñnen perpet.

VIII

Ha de noz, é korn en uéled,
Mam-goh é tibunein hé ned.

IX

E laré d’emb : « ataù konzet
Lavar hun tadeu Bretoned !

X

« Er brehoneg mar dilézet,
Ne véet mui meit Galeùed ! »

XI

O mam-goh peur, ne zoujet ket,
Dallimat é veemb Bretoned.