Nezé en dud ag er barréz
Bras ha bihan,
E labour aveit er Huerhièz
Keti-ketan,
Aveit seùel ar en dosten
Un iliz gaèr
D’en Intron ag er Mañnéguen
Mam hur Salvér.
Matelin
— Doh hou kleuet, kanderù Julian,
Ne chuéhan ket
Mes un dra hoah e houlennan,
Mar er gouiet :
Perak é hanùér Mañnéguen
Er mañnė-sé.
Emen en des vennet dichen
Rouañnéz en Né ?
Julian
A houdé ma oé bet guélet
Ur splandér guen
E ligernein de noz perpet
Ar en dosten,
Er Mañnéguen, chetu en hanù
Reit d’er mañné
Emen e oé guèlet guen-kann
Er splandér-sé.
A chapél er Huerhiéz Vari
Konzamb bremen :
Ne gaveet hañni èldi
Er hornad-men.
Kalz a barrézieu én ur bro
Em es hantet,
Ur chapél éldi pèl ardro
Ne gavan ket.
Ti en Intron e zon kuhet
E kreiz gué bras,
Ar en deval é ma saùet
Durheit d’en dias ;
