Etal kavel ur hroédurig,
Un él dichennet ag en Nean
E laré : « Kroèdur, mem brérig,
« Ennoh me limaj e huélan.
« Me huél en hous inean tinér
« Brauité en Nean é splannein,
« Kuiteit en doar-men a vizér
« Kroèdur glan, ha deit genein !
« Ia, deit genein d’er vro eurus
« Léh ma vé perpet leùiné ;
« Deit genein de huélet Jézus
« Hag en Intron Vari, mam Doué.
« Più houér, mar det ha chom pelloh
« Er bed-men lan a fallanté,
« Più houèr petra vou ahanoh ?
« E léh ur sant, un diaul marsé !
« Bugalé em es hanaùet
« E oé glan él-oh guéharal.
« Hag é mant hiniù kousiet,
« E mant hiniù deit de vout fal,
« O kroèdurig bremen ker braù,
« Perak chom é bro er péhed ?
« Deit de vout eurus hemb arsaù
« Er Baradouiz get en éled.
« Hou tad, hou mam e ouilou d’oh,
« Mès hui e bedou aveité.
« Hag ind e vou devéhatoh
« Genoh étal en Eutru Doué. »
Er Hroèdurig e varù nezé ;
En él e gemér é inean
Eit hé has getou devat Doué…
Un él open e zou én Nean !
