D’er liésan en dud ne hrant meit kol amzér
E klask gouni en ol madeu ;
Er merch a gement-sé, m’er havou én histoér
Em es kleuet get un tadeu,
A zivout d’en dén hont, mestr d'ur iar présius,
Ur iar ag e zové, nag un dra burhudus !
Uieu milén avèl en eur :
« Diaul bras ! emé en amoèd peur,
Er iar-men, hanval é genein,
E zou ur trézol kaer énni. »
Ha deit chonj dehou d’hé lahein.
Mès ean e gol é léh gouni
Rak é boelleu er iar, allas ! nitra ne oé
Nameit er péh e zou ér iér aral eué.
Aveit-oh hui, tud diaviz
E sou téchet d’en avaris,
Chetu, mar karet profitein,
Un tamig furnés de brénein.
Eleih a dud é bèr amzér
E sou koéhet don er vizér.
Perak è mant elsé koéhet ?
E klask bout pinùik rè abret.
