Mès koll e hra mar a bluen…
Un dra goah de zoujein :
Chetu kentéh ur spaloér
Ar nehi é spladein ;
E ziùaskel digor kaèr,
Arriù ur skoul eué
Ha brezél étré en deu laèr.
Er glommig pèl dohté
E néij è rauk, hemb koll amzér :
« Sovet on alkent emé hi,
En ur zichen ar ur hoh ti. »
Mès un avrelaud a zek vlé
— Er vugalé zou hemb truhé —
E vout geti un taul mén
Ken ne dé blonset he fén.
Nezé er gèh veajeréz
Hantér varù, hantér maheignet,
E zou hé halon lan a hloéz
En devout hé bro dilézet.
A hers hag a vizér,
Hé diùaskel koéhet,
Distroein e hra d’er gér
Devat hè hoér karet.
Na braset è ou joé, ou leuiné,
A p’arriuant en eil get égilé !
Mar det, Bretoned, d’er hérieu,
Bean é kaveet misérieu
El er glommig ag en histoér !
Hag un dé devat hou predér,
Allas ! éndro hui sei eué,
Mès maheignet korv hag iné ;
Kollet hou pou nerh ha iéhed,
Kollet hou pou er fé.
Laret d’ein : pé sort Bretonned
E veet hui nesé ?
