En taul ar é grabonneu.
« Gorteit emé ean, me lapous
« Mar kaves té mat keneu,
« N'ou havan ket mé fal eué.
« Chetu petra e chonjan mé :
« En hani en des ketan pen
« Taulet é sel ar er fréhen,
« Hennéh hemb kin hé lonkou
« Hag en aral e sellou. »
— Hama, e reskond er hansort,
« Mar behé ur rézon sort-sé
« Hur lakehé de vout akord.
« Me huél mé splann, trugéré Doué.
Ha mé, e lar en aral,
— « Ha te gred é on mè dal ?
« Er geneùen em es guélet
« En ha rauk té, peurkeh skornet. »
— Skornet ! Mé ! Tuchant, me hostiz,
Tuchant me ia de ziskoein d'is
Mar dé men dorn skornet,
Nag ha pehé guélet
« Er fréhen ém rauk mé,
« Ataù è guirionné
« Mé em es hi santet ketan. »
Etrézé goah d’er hoah chikan
Epad ma oent è kasein ton
Chetu arriù ar en dachen
Er Juj a beah ag er hanton :
— « Petra zou ? » emé ean aben ;
Hag en deu chikañnour
E gonz ag ou afér.
— « Mat », e lar er Barnour.
Kentéh ean e gemér
En é zehorn er geneùen
Hé feut hag e lonk er vouiden
Dirak en deu amoed
Bammet doh er sellet.
— « Bremen ne vou ket mui chikan,
E lar ean dehé goudé ;
Chetu ur pok de bep unan
Ha laret hoah trugéré
P'en dé guir ne hues chet mizeu ! »
