— 213 —
|
⁂
Birùikin n’ankoéhet, bredér a garanté,
Er véléan gredus en des soufret eit Doué,
Er vugulion santél e ziskoé d’hun Tadeu
En hent d’er Baraouiz, hemb doujein er poénieu.
Bremen avèl nezen é hés én hou parrèz
Béléan vat eué, apert, lan a furnéz.
Ama! tud a Bluniaù, chomet fidél dehé ;
Chetu hous amied guellan é guirioné ;
Aveit hous eurusted hemb arsaù é pedant.
Salvein hous ineañneu nitra kin ne glaskant
Kalon sakret Jézus, mamen er garanté,
E ra dehé gréseu eit hou karein èl-sé.
Kredet mé, doh ou boéh mar vennet cheleuet
Er bed-men hag en Nean, eurus um gaveet.
Més eùé mar chonjet ou lezel a kosté
N’hou pou kin de hortoz meit glabar ha tristé,
Chomet fidél enta, fidél é pep amzér
D’hou peléan e zalh eit-oh léh hur Salvér ;
Chomet fidél perpet d’en Iliz katolik
E zou bet disket d’où karein a vihannik,
Ha laret, Pluniaùiz, èl hou tadeu eùé !
« Kentoh meruel mil guéh eit ankoéhat un Doué ! »
|
————
Lihér d’en dud a Bloué
eit goulen geté sekour péein delé en iliz
————
Tud a Barrèz Ploué,
Plijeet genoh me cheleuet.
E tan hoah aberh Doué
De houlen genoh ma réet
Un dra benak ag hou madeu
De sekour péein er mizeu
E zou bet groeit, él ma houiet,
Eit kampen hous iliz karet.
Reit e hues, bout zou deu vlé,
|
