⁂
Er blé-hont, trihuéh kant huézek ha pear uigent,
Eit inourein é varù dégoéhet kant vlé kent,
E vroiz béléan en doé vennet gobér
Ur gouil bras a drest par é chapel Sant-Hílér.
Person parréz Pluniau, é achimant miz mé,
En doé galùet en dud d’er gouil inourabl-sé ;
E voch oé bet kleùet, Peizanted ha béléan
E oé deit aben kaèr get en hireh vrasan,
E oé deit a Bluniaù, Guénin, Bertelamé,
A Vaud, Santéz-Anna, Bihui, Melrand eué.
Er chapél kampennet bi-koah ligernusoh
E od karget a dud; ér méz é oé muioh.
Hemb arvar, ag en Nean dom Jojeb En Turnié
E sellé doh er bobl get joé ha karanté.
Er péh e hellé hoah kreskein é eurusted
E oé guélet tud kar, nied ha niézed
E pedein get er bobl dirak é relégeu.
P’en des er véléan kannet er chervijeu,
Er prehésion e ia betag er léh santél
Emen en des ridet goed er beleg fidél.
Enou kroéz Boternaù bremen ne huélér mui ;
Ur groéz aral braùoh e verch de bep hani
Er léh en des ruet dom Jojeb en Turnié
Get é hoed jénérus skuillet aveit er fé.
Kent pél er préhésion e retorn d’er chapél.
Epad en overen, arlerh en aviél,
En eutru Go Herri e gonz d’er fidéled
Ag en treu burbudus men dint deit de huélet,
Ag er beleg santél lahet é Sant-Hilèr,
Ag ol er véléan sentus doh ou devér
E oé chomet ér vro de sekour hun tadeu
En amzér éhus-hont, karget a drebilleu.
Doh é gonzeu en dud gloézet e cheleué,
A zeulegad éleih en dareu e ridé !
Mes a vout ankinet penaus eué parrat
E kleuet en istoér ag en amzér divat
En des bet hun tadeu de dremén guéharal
Pe oé hur bro a Frans goasket get en dud fal ?
