Rak er blé seihtek kant huézek ha pear uigent,
Kent pèl amzér arlerb, é achimant miz mé,
Er béleg fidél-men e gollas é vuhé
Ag é varů ken èhus cheleuet en istoér.
Ur vanden soudarded, davéet d’er hemér,
E doareu Sant Hilér e droé hag e zistroé.
Er heh beleg kuhet én don ag er veinglé,
A p’ou guél é tostat, e saill aben ér méz
Ne houér de bé tu troein téhein e zou diés ;
Neoah hemb kol amzér chetu ean é ridek
Eit monet de guhet é kreiz ur segaleg.
Allas ! guélet é bet er bléad é vouljal ;
A ziar er gerhér éndro d’er park segal,
Er soudarded e sel doh er beleg é poén ;
En ur prad izéloh asé e hra tremén
Moiand erbet d’achap! er park e zou groñnet,
En dén santél um rant hag é ma keméret.
D’er gér a Sant-Hilér er honduiér goudé,
Ranjennet èl Jézus, é vestr a garanté,
Ha doh er varlen puns, dirak trezeu er Strat,
E ma staget nezé de hortoz un herrad.
E ti en trézolér én un taul antréet,
Er Nationed joéius e dorré ou sèhed
« Inour d’emb ni hiniù ! inour d’emb ! é larent.
« E ma d’emb en laul-men, ia tapet é alkent,
« Er beleg disentus doh lézenneu er vro ;
« E ma d’emb en ostiz e glaskemb a huerso. »
Dom Turnié ankinet ag er méz ou hleué.
Neoah lan a fians hemb arsaù é pedé.
« Revou groeit, o Jézus men Doué, e laré ean
Hou volanté santél ar en doar él en Nean !
Mar bein lakeit d’er marù, aveit-oh é varùein.
Men Doué, sekouret mé, hou péet truhé doh-ein. »
Tuchant a Sant-Hilér é lam. er soudarded
Ar hent Sant-Nikolas ou guélér é vonet.
Goarnet mat étré deu, dom Jojeb er Turnié
E gerh gredus d’er marù — Nitra kin ne horté. —
E vontre ra d’unan, d’en aral é argant.
Soudarded ha béleg kent pèl é arriùant
Etal kroéz Boternau, én dias lann Sant-Hilér,
Més doh Sant Nikodém, én èbr ag en amzér
En tenneu fuzillen e gleùér é tarhein,
