Ha memb ne zoujé ket, kounaret èl ma oé,
Lettat er soudarded ha turel mein geté
Kentéh m’en des kleuet en dud a ziardro
E vennér kasein kuit ou beleg ag er vro,
Deit tri hant anehé d’ansé en délivrein.
Mès doh er soudarded n’hellant ket pèl harzein
A pe huélant lahet unan ag ou bredér,
Get ankin ha glahar é retornant d’er gér.
Nezé dom Guillermeu de Vaud e zou kaset.
A va-zé de Borh-Loeiz, hag, ur miz treménet,
D’er Spagn en davéér get béléan aral.
En amzér e dremén ataù falloh pé fal.
D’er Spagn um den eué, glaharet ou halon,
En duchentil Kollet, dom Morvan, dom Busson.
Dom Turnié, dom Talmon e zalhé hoah ou deu
De chervij er barréz hemb doujans a Robeu.
⁂
Koutant e oé hennen er véléan fidél
N’hellent ket mui kement gobér dehou brezél,
Ne chomé dirak tou nameit deu a nehé
Hag embér a dra sur e vehent bet eué
Forbannet ag er vro pé kondannet d’er marù.
Elsen é chonjé ean. — Kent pel trebilleu garù
E bra dehou ean memb monet kuit ag er vro,
En danjér a laret d’er vuhé kenavo.
E huélet en treu fal, pear mil pézant um saù
Hag arriù kounaret éndro de vorh Pluniaù.
Uigent dén e lahant émesk en Nationed.
Er person de Bondi hemb droug e hel monet.
Mès é borh kem.éret d’ur vanden én arfleu
E zou torret énnou fenestri ha dorieu.
En diabarlı nezen é cherrér perhuéh mat
Argant, treu présius, liénaj ha dillad,
Er livreu lerh-oh-lerh e zou rénget, losket ;
En ivaj, chistr ha guin, tanhoeit ha dismantet.
Goudé en tauleu-men dégoéhet a berh Doué,
Robeu ne vennas mui retornein a neué
De huélet tud Pluniaù ker fal en é gevér
Ha chom e hras didrouz é Pondi pèl amzér
En despet d’er gemen reseuet a Huéned
