— 201 —
|
Peken diskanval ind, klehér bras en Iniél !
Ou boéhieu e gleuér pen dé mat en aùél
Open diù lèu ardro, betak er Gemené.
Perak n’hou pehé hui, tud a barréz Ploué,
Klehér brau, klehér kriù èl men des én Iniél ?
Klehér e vou kleùet é lein en tour ihuél
E laret tro-ha-tro d’en dud, bras ha bihan :
Chonjet én Eutru Doué, én hou tad ag en Néan. »
Mes kent en dout klehér ret è seuel un tour.
Genein mé, tud Ploué, ne hues meit disinour.
Taulet mé bean d’en dias, hirèh em es de goéh.
Hirèh em es guersou de huélet é me léh
Un tour guen, dantellek, èmesk er rẻ kaeran
Hou lakei de sellet liés tréma en Nean.
Genoh hui, tud Ploué, frank a galon perpet,
Eit seuel en tour men, argant e vou kavet,
Hui’ rei, peur ha pinuik, hou prov get larganté
A pe vou groeit er gest aveit en tour neué.
Ha mé, hou tour krommet, eurus e vein é koeh
Rak m’em es er greden é vou saùet kentéh
Un tour ag e hrei d’oh, tud a barréz Ploué
Inour dirak en dud hag inour dirak Doué !
|
————
Béléan Pluniaù é kours en dispeah bras
————
Ne vou ket ankoéheit en amzér-hont a gaz
E vé groeit anehou amzér en dispeah bras.
Chetu open kant vlé a houdé treménet,
E pep kornad a Frans é chonjér hoah perpet
En déieu a valloh, déieu a fallanté
Ma oé lakeit d’er mari en dud fidél de Zoué,
Frans e oé goalauzet d’ur vanden tud divat
E hré d’er relijion brezé! ehus dalhmat.
Rak-sé ne oé guélet a glei hag a zéheu
Nameit kroézieu torret, koéhet. ar en henteu,
Ilizieu kousiet en ur féson méhus
Ha laeret a nehé ol en treu présius.
Lod ag er véléan d’er marù e oé kaset,
Réral azoh ou bro pèl amzér forbañnet
|
